എണ്ണമറ്റത്!

B. A. Manakala

ദൈവത്തിന്റെ രഥങ്ങൾ ആയിരമായിരവും കോടി കോടിയുമാകുന്നു; കർത്താവ് അവരുടെ ഇടയിൽ, സീനായിൽ, വിശുദ്ധ മന്ദിരത്തിൽ തന്നേ (സങ്കീ 68:17).


ചിലപ്പോൾ നാം നമ്മുടെ കുഞ്ഞു മക്കളോട് നിങ്ങൾ 'എത്രമാത്രം ഞങ്ങളെ സ്നേഹിക്കുന്നുണ്ട്?' എന്ന് ചോദിക്കുമ്പോൾ, അവരുടെ മറുപടി, 'നൂറായിരം, നൂറായിരം, നൂറായിരം..' ഒരല്പസമയം കൂടെ ഇങ്ങനെ പറഞ്ഞു കൊണ്ടിരിക്കും! ഇത് അവർക്ക് നമ്മോടുള്ള അളവറ്റ സ്നേഹത്തിന്റെ പ്രകടനം മാത്രമാണ്.

 

എണ്ണമറ്റതായി ഈ ഭൂമിയിൽ എന്തെങ്കിലുമുണ്ടോ? സമുദ്ര തീരത്തെ മണൽ? നമ്മുടെ തലയിലെ മുടികൾ? ആകാശത്തിലെ നക്ഷത്രങ്ങൾ? ഒരു പക്ഷേ ഇവയെല്ലാം എണ്ണുവാനും, അളക്കുവാനും കഴിഞ്ഞേക്കാം. നമ്മുടെ ബുദ്ധി കൊണ്ട് മനസ്സിലാക്കാൻ സാധിക്കുന്നതല്ല 'എണ്ണമറ്റ' എന്ന സങ്കല്പം; എന്നാൽ ദൈവത്തിന് സാധിക്കും. ആരംഭവും അന്ത്യവും ഇല്ലാത്തത് ആർക്കാണ്? നിങ്ങളുടെ ജനനത്തിന് മുന്നമേ തന്നെ നിങ്ങളെ അറിഞ്ഞത് ആരാണ്? ഈ പ്രപഞ്ചത്തിന്റെ രചയിതാവ് ആരാണ്? എണ്ണമറ്റ രഥങ്ങൾ ദൈവത്തിനല്ലാതെ ആർക്കാണ് ഉള്ളത്? എണ്ണമറ്റ രഥങ്ങൾ ദൈവത്തിന്റെ അളവറ്റ വിജയശക്തിയെയാണ് കാണിക്കുന്നത്. പല വിധത്തിൽ സംഖ്യകൾക്കും കണക്കുകൾക്കും നമ്മെ അതിശയിപ്പിക്കുവാൻ കഴിയും. അവസാനം വരെ നാം ഇങ്ങനെ നിരവധി മാസ്മരികതകൾ കണ്ടു പിടിച്ചു കൊണ്ടേയിരിക്കും; എന്നിരുന്നാലും മാനവജാതിക്ക് ഒരിക്കലും മനസ്സിലാക്കാൻ സാധിക്കാത്ത നിരവധി കാര്യങ്ങൾ ഇനിയുമുണ്ട്!


ദൈവത്തിന്റെ ശക്തിയെ കൂടുതലായി നിങ്ങൾ എപ്രകാരമാണ് മനസ്സിലാക്കുന്നത്?

 

ആദ്യനും അന്ത്യനുമായവന് 'എണ്ണമറ്റതും' എണ്ണുവാൻ സാധിക്കുന്ന അക്കമാണ്!

 

പ്രാർത്ഥന: കർത്താവേ, പ്രതിദിനം അങ്ങയുടെ ശക്തിയെ കൂടുതലായി അറിയുവാൻ അടിയനെ സഹായിക്കേണമേ. ആമേൻ

 

(Translated from English to Malayalam by R. J. Nagpur)

Comments

  1. BRIGHT ADOOR16 November 2020 at 06:31

    വളരെ അർത്ഥവത്തായ ഒരു സന്ദേശം. ദൈവം ധാരാളമായി അനുഗ്രഹിക്കുമാറാകട്ടെ എന്ന് പ്രാർത്ഥിക്കുന്നു ആശംസിക്കുന്നു

    ReplyDelete
    Replies
    1. Learn From Him6 December 2020 at 05:43

      ദൈവനാമം മഹത്വപ്പെടുമാറാകട്ടെ. നന്നി

      Delete

Post a Comment

Popular posts from this blog

മരണത്തിൽ നിന്നുള്ള നീക്കുപോക്ക്

Image
B. A. Manakala ദൈവം നമുക്ക് ഉദ്ധാരണങ്ങളുടെ ദൈവമാകുന്നു; മരണത്തിൽ നിന്നുള്ള നീക്കുപോക്കുകൾ കർത്താവായ യഹോഹക്കുള്ളതു തന്നേ (സങ്കീ 68:20). അദ്ദേഹം ഒരു അപകടത്തിൽ അകപ്പെടുകയും, ഉടൻ തന്നെ അവിടെ ഉണ്ടായിരുന്നവർ അദ്ദേഹത്തെ ആശുപത്രിയിൽ എത്തിക്കയും ചെയ്തു. ആശുപത്രി അധികൃതർ ആ വ്യക്തിയെ തീവ്ര പരിചരണ വിഭാഗത്തിലേക്കും തുടർന്ന് വെന്റിലേറ്ററിലേക്കും ( ventilator ) മാറ്റുകയുണ്ടായി. എന്നാൽ അല്പ സമയത്തിനുള്ളിൽ ഒരിക്കലും പ്രതീക്ഷിക്കാത്ത ദു:ഖ വാർത്തയുമായി ഡോക്ടർ വെളിയിൽ വന്നു! മറ്റൊരു പോംവഴിയുമില്ലാതെ സഹായത്തിനായി നാം ഡോക്ടറെ നോക്കിയേക്കാം. എന്നാൽ ഒരു പരിധിക്കപ്പുറം ഒന്നും ചെയ്യാൻ കഴിയാതെ, ഒടുവിൽ ദു:ഖ വാർത്തയല്ലാതെ മറ്റൊന്നും  നമ്മോട് പങ്കിടാനായി  അവർക്കുണ്ടാകില്ല. ഡോക്ടർമാരുടെ ഭാഗത്തു നിന്നും സംഭവിവ്വ ബുദ്ധിമോശമാണെന്നും പറഞ്ഞ് ചിലർ അവരോട് പിണങ്ങാറുണ്ട്. മിക്കപ്പോഴും നാം ശാരീരിക മൃത്യുവിനെ മാത്രമാണ് ഭയപ്പെടാറുള്ളത്. അയതിനാൽ , ഭൂമിയിൽ നാം ചെയ്യുന്ന മിക്ക കാര്യങ്ങളും ശാരീരിക ആവശ്യങ്ങളെ നിറവേറ്റാനായാണ് ചെയ്യുന്നത്. എന്നാൽ ശാരീരികവും ആത്മികവുമായ മൃത്യുവിൽ നിന്നും രക്ഷിക്ക...
Read more

ആരാണ് വാസ്തവത്തിൽ ബുദ്ധിമാൻ?

Image
B.A. Manakala ദൈവത്തെ അന്വേഷിക്കുന്ന ബുദ്ധിമാൻ ഉണ്ടോ എന്നു കാണ്മാൻ ദൈവം സ്വർഗ്ഗത്തിൽ നിന്നു മനുഷ്യപുത്രന്മാരെ നോക്കുന്നു ( സങ്കീ 53:2). ഗൂഗൾ (Google) അന്വേഷണത്തിലൂടെയാണ് എന്റെ പല പ്രശ്‌നങ്ങളും ഞാൻ പരിഹരിക്കുന്നത്. പ്രശ്‌നം കൂടുതൽ സങ്കീർണ്ണമാകുന്തോറും , അത് പരിഹരിക്കാനും ബുദ്ധിമുട്ടായി വരും. ഗൂഗൾ ( Google) ഏകദേശം കോടിക്കണക്കിന് ഡാറ്റ കൈകാര്യം ചെയ്യുന്നുണ്ടെങ്കിലും ചില സമയങ്ങളിൽ എന്റെ പ്രശ്നത്തിന് പരിഹാരം ലഭിക്കുന്നില്ല. മനുഷ്യനെ ഒരു സാമൂഹ്യജീവിയായിട്ടാണ് സൃഷ്ടിച്ചിരിക്കുന്നത് (ഉൽപ്പ. 2:18). അവന്റെ നിലനിൽപ്പിനായി അവന് പങ്കിടുകയും , പഠിക്കുകയും , വിശ്വസിക്കുകയും ചെയ്യേണ്ടതുണ്ട്. ഹവ്വാ ഇല്ലാതെ ആദമിന് അതിജീവിക്കാൻ സാധിക്കുമായിരുന്നില്ല. നമുക്ക് ദൈവത്തെയും മറ്റ് ആളുകളെയും ആവശ്യമാണ്. തങ്ങൾക്കു തന്നേ ജ്ഞാനികളായും തങ്ങൾക്കു തന്നേ വിവേകികളയും തോന്നുന്നവർക്ക് അയ്യോ കഷ്ടം (യെശ 5:21). നിരന്തരം ദൈവത്തെ അന്വേഷിക്കുന്നവൻ വാസ്തവമായും ബുദ്ധിമാനാണ്‌ (സങ്കീ 53: 2) പ്രാർത്ഥന: കർത്താവേ , അടിയന്റെ ജീവിതത്തിലെ എല്ലാ ദിവസവും അങ്ങയെ അന്വേഷിക്കാൻ അടിയനെ പഠിപ്പിക്കേണമേ. ആമേൻ     (Tr...
Read more

ദൈവം ഇല്ല!?

Image
B.A. Manakala “ ദൈവം ഇല്ല ” എന്ന് മൂഢൻ തന്റെ ഹൃദയത്തിൽ പറയുന്നു. … സങ്കീ 53: 1 കാറ്റ് ഇഷ്ടമുള്ളേടത്ത് വീശുന്നു ; നിങ്ങൾ അതിന്റെ ശബ്ദം കേട്ടാലും നിങ്ങൾക്ക് അതിന്റെ വഴി കാണാൻ കഴിയില്ല (യോഹ. 3:8). ജീവിതത്തിലെ ദുഷ്കരമായ സമയങ്ങളിൽ ‘ ദൈവം എവിടെ ? ’ , ‘ ദൈവം ജീവിക്കുന്നുണ്ടോ ? ’ എന്ന് ചോദിച്ചാൽ ഞാൻ ഒരു മൂഢൻ ആണോ ? നാം സമാനമായ ചോദ്യങ്ങൾ ചോദിക്കുന്നത് സ്വാഭാവികമല്ലേ ? ‘ എന്റെ ദൈവമേ , എന്റെ ദൈവമേ , അങ്ങ് എന്നെ കൈവിട്ടതു എന്ത് ? ’ ( സങ്കീ. 22:1) എന്ന യേശുവിന്റെ ചോദ്യം തന്റെ പിതാവിനെ മുറിപ്പെടുത്തിയോ ? ദൈവത്തിന്റെ ആഴം മനസ്സിലാക്കുന്നതിൽ നാം പരിമിതരാണ് (ഇയ്യോബ് 11:7; 36:26; സങ്കീ. 145: 3). ദൈവത്തെക്കുറിച്ചുള്ള എന്റെ അറിവ് ‘ എനിക്ക് ദൈവത്തെ അറിയില്ല ’ എന്ന് പറയാൻ കഴിയുന്നിടത്തോളമേ ആകുന്നുള്ളു. സൃഷ്ടി മുഴുവൻ , ദൈവം ഉണ്ടെന്ന് പ്രഖ്യാപിക്കുന്നു (റോമ. 1: 20) ദൈവം ഇല്ലെന്ന് നിങ്ങൾ ചിന്തിച്ചാലും ദൈവം അസ്വസ്ഥനാകുകയോ ഇല്ലാതാകുകയോ ഇല്ല! പ്രാർത്ഥന: കർത്താവേ , അങ്ങയെ കാണാനും മനസ്സിലാക്കാനും അടിയ ന്റെ ഉൾക്കണ്ണുകൾ തുറക്കണമേ. ആമേൻ
Read more