എല്ലായിടത്തും എന്നെന്നേക്കുമായി വാഴട്ടെ!
അവന്റെ കാലത്ത് നീതിമാന്മാര്‍ തഴക്കട്ടെ; ചന്ദ്രനുള്ളിടത്തോളം സമാധാന സമൃദ്ധി ഉണ്ടാകട്ടെ. അവന് സമുദ്രം മുതല്‍ സമുദ്രം വരെയും നദി മുതല്‍ ഭൂമിയുടെ അറ്റങ്ങള്‍ വരെയും ഭരിക്കട്ടെ (സങ്കീ 72: 7-8).
സ്കൂൾ ദിവസങ്ങളിൽ ചില സുഹൃത്തുക്കൾ വാഗ്ദാനം ചെയ്തിരുന്നു, 'ഞാൻ എല്ലാ കാലവും നിങ്ങളുടെ സുഹൃത്തായി തുടരും; ഞാൻ നിന്നെ ഒരിക്കലും മറന്നു പോകില്ല .' എന്നാൽ ഞാൻ സ്കൂളിൽ നിന്ന് പുറത്തു വന്നതിനു ശേഷം അവരില്‍ ആരുമായും തന്നെ ഇന്നു വരെയും ഒരു സമ്പർക്കവുമില്ല.
ഭൂമിയുടെ അറ്റം വരെയും ചന്ദ്രന്‍ ഉള്ളയിടത്തോളവും ശലോമോന്റെ വാഴ്ച തുടരട്ടെ എന്ന് ആഗ്രഹിക്കുന്നതാണ്‌ ഈ വാക്യങ്ങള്‍ (സങ്കീ 72: 7-8). 'എല്ലായിടത്തും' 'എന്നെന്നേക്കും' എന്ന വാക്കുകള്‍ക്ക് നിത്യമായ പ്രസക്തിയാണുള്ളത്. ഒരു മനുഷ്യനോ അല്ലെങ്കില്‍ ഒരു രാജാവിനോ എല്ലായിടത്തും എത്തിച്ചേരാനോ അല്ലെങ്കില്‍ എന്നെന്നേക്കുമായി ഭൂമിയില്‍ വാഴാനോ സാധിക്കുകയില്ല! യഹോവ മാത്രമാണ് എന്നും എന്നേക്കും രാജാവായി വാഴുന്നത് (പുറ 15:18). ക്രിസ്തു എന്നും എന്നേക്കുമായി വാഴും (വെളി 11:15); കൂടാതെ, തന്റെ മക്കളായിരിക്കുന്ന നാം, തന്നോടു കൂടെ എന്നെന്നേക്കും വാഴും (ദാനി 7:27)!
ഈ ഭൂമിയില്‍ സുവിശേഷം പ്രഘോഷിപ്പാന്‍ തക്കവണ്ണം യോഗ്യരാക്കി മാറ്റിയ രാജകീയ പൗരോഹിത്യ പദവി ഇപ്പോള്‍ നമുക്ക് ലഭിച്ചിരിക്കുന്ന എന്ന കാര്യം നാം മറന്നു പോകരുത് (1 പത്രോ 2:9).
എല്ലായിടത്തും എപ്പോഴും ദൈവത്തിന്റെ നന്മയെ പ്രതിഫലിപ്പിക്കുവാന്‍ തക്ക യോഗ്യനാണോ ഞാന്‍?
'രാജാവ് നീണാള്‍ വാഴട്ടെ' എന്നായിരിക്കാം ഭൂമിയിലെ ആളുകൾ തങ്ങളുടെ ദേശങ്ങളിൽ രാജാക്കന്മാരെ കുറിച്ച് ആഗ്രഹിക്കുന്നത്; എന്നാൽ ഇത് യാഥാർത്ഥ്യമാകുന്നത് സ്വർഗ്ഗീയ രാജ്യത്തിൽ മാത്രമായിരിക്കും!
പ്രാര്‍ത്ഥന: കര്‍ത്താവേ, അടിയന്‍ അങ്ങയുടെ നന്മയെ എല്ലായിടത്തും എപ്പോഴും പ്രഘോഷിക്കട്ടെ. ആമേന്‍
(Translated from English to Malayalam by R. J. Nagpur)
Comments
Post a Comment