എന്താണ് നിങ്ങളുടെ വഴിപാട്?

B.A. Manakala

ഹനനയാഗവും ഭോജനയാഗവും അങ്ങ് ഇച്ഛിച്ചില്ല; അവിടുന്ന് ചെവികളെ എനിക്കു തുളെച്ചിരിക്കുന്നു. ഹോമയാഗവും പാപയാഗവും അങ്ങ് ചോദിച്ചില്ല (സങ്കീ 40:6).

ഒരു യാചകൻ എന്റെ പക്കൽ നിന്നും പൈസ ലഭിക്കാനായി വളരെ നേരം നിൽക്കുകയാണെങ്കിൽ മനസ്സില്ലാ മനസ്സോടെ ആ യാചകനെ ഒഴിവാക്കാനായി ഞാൻ ഒരു നാണയം കൊടുക്കും. നമ്മുടെ വഴിപാടുകൾക്കായി ദൈവം യാചിക്കാറുണ്ടോ? നമ്മുടെ വഴിപാടുകളും സ്വമേധയാ ദാനങ്ങളും വാസ്തവത്തിൽ ദൈവത്തിന് ആവശ്യമുണ്ടോ? അവയൊന്നും ദൈവത്തിന് ആവശ്യമില്ല എന്നത്രേ സങ്കീ 40:6 പറയുന്നത്. പിന്നെ നമുക്ക് ദൈവത്തിന് എന്താണ് അർപ്പിക്കുവാൻ സാധിക്കുന്നത്? ദശാംശമോ? വഴിപാടുകളോ? അതെ, കൊടുക്കുന്ന കാര്യത്തിൽ നമുക്ക് വിശ്വസ്തരായിരിക്കാം. പക്ഷേ, നാം ഈ ചെയ്യുന്നതെല്ലാം ഹൃദയപൂർവ്വമാണോ അതോ നിർബന്ധത്താലാണോ?  

നമുക്ക് സകലവും പൂർണ്ണമായി ഉണ്ടാകണമെന്നാണ് ദൈവം ആഗ്രഹിക്കുന്നത്: ദേഹം, ദേഹി, ആത്മാവ്. നാം ദൈവത്തെ സ്നേഹിക്കുന്നു എങ്കിൽ നമ്മുടെ ജീവനെ ദൈവത്തിനായി കൊടുക്കാം (യോഹ 15:13); നമ്മെത്തന്നെ ജീവനുള്ള യാഗങ്ങളായി അർപ്പിക്കാം (റോമ 12:1).

ദൈവത്തിന് പണം കൊടുക്കുന്നത് ഒരു വഴിപാടു തന്നെയാണ്;
എന്നാൽ ജീവനുള്ള യാഗങ്ങളാണ് ഏറെ അഭികാമ്യം!

പ്രാർത്ഥന:
കർത്താവേ, ഞാൻ ആഗ്രഹിക്കുന്നതല്ല, മറിച്ച് അങ്ങ് താല്പര്യപ്പെടുന്നത് അങ്ങേക്കു നൽകുവാൻ അടിയനെ സഹായിക്കേണമേ. ആമേൻ

 

 

 (Translated from English to Malayalam by R. J. Nagpur)