മൂർച്ചയേറിയ കത്തി?
ചതിവു ചെയ്യുന്നവനെ, മൂർച്ചയുള്ള
ക്ഷൌരക്കത്തിപോലെ നിന്റെ നാവു ദുഷ്ടത വകഞ്ഞുണ്ടാക്കുന്നു (സങ്കീ
52:2).
അടുത്തയിടെ ഞങ്ങൾ അടുക്കളയിലെ ആവശ്യത്തിനായി
ഒരു കത്തി വാങ്ങി. ഞങ്ങൾ ഇതു വരെയും ഉപയോഗിച്ചിട്ടുള്ളതിലെ ഏറ്റവും മൂർച്ചയേറിയ
കത്തിയായിരുന്നു അത്! അത് പലവട്ടം ഞങ്ങളുടെ വിരലുകൾ മുറിക്കയും ചെയ്തു.
നമ്മുടെ നാവുകൾക്കും മൂർച്ചയേറിയ കത്തിയെ പോലെ
ആയിത്തീരാൻ സാധിക്കും (സങ്കീ 52:2). അടുക്കളക്കത്തി കൊണ്ട് മുറിയുന്ന മുറിവുകൾ
വളരെ നിസ്സാരമാണ്. എന്നാൽ നാവുകൾ കൊണ്ടുണ്ടാകുന്ന മുറിവുകൾ കൈകാര്യം ചെയ്യാൻ വളരെ
ബുദ്ധിമുട്ടാണ്. നാവിനെ സംബന്ധിക്കുന്ന വളരെ വാക്യങ്ങൾ ബൈബിളിലുണ്ട്: വാക്കിന്റെ
പെരുപ്പം (സദൃ10:19), ഭോഷത്വം നിറഞ്ഞ നാവ് (സദൃ15:4), നുണ (സദൃ 26:20), തീ (യാക്കോ 3:6), നല്ല വാക്കല്ലാത്തത് (എഫേ 4:29) ഇത്യാദി.
ഏറ്റവും പ്രധാനമായി നമ്മുടെ നാവുകൾക്ക് സൗഖ്യം
കൊടുക്കാനും സാധിക്കും (സദൃ 15:4)!
നിങ്ങളുടെ
നാവുകളെ എപ്രകാരം ഉപയോഗിക്കണമെന്ന് നിങ്ങൾക്ക് നിശ്ചയിക്കാം, സൗഖ്യമാക്കാനോ അല്ലെങ്കിൽ മുറിപ്പെടുത്താനോ!
പ്രാർത്ഥന:
കർത്താവേ, ശരിയായ രീതിയിൽ നാവിനെ ഉപയോഗിക്കാൻ അടിയനെ
സഹായിക്കേണമേ. ആമേൻ
(Translated from English to Malayalam by R. J. Nagpur)
Comments
Post a Comment