അവങ്കൽ നിന്ന് പഠിപ്പിൻ

B.A. Manakala എന്റെ വായ് ജ്ഞാനം പ്രസ്താവിക്കും ; എന്റെ ഹൃദയത്തിലെ ധ്യാനം വിവേകം തന്നേ ആയിരിക്കും ( സങ്കീ 49:3). വീട്ടിലിരുപ്പിൻ! സുരക്ഷിതമായിരിപ്പിൻ! ” ഈ മഹാമാരിയുടെ സമയത്ത് അനേകരെ രക്ഷിച്ച ജ്ഞാനമേറിയ ഒരു മുദ്രാ വാക്യമാണിത്. ജ്ഞാനത്തിന്റെ എന്ത് വാക്കുകളാണ് നിങ്ങളുടെ വായിൽ നിന്നും പുറത്തു വരാറുള്ളത് ? എപ്രകാരമാണ് മറ്റുള്ളവർക്ക് നല്ല രീതിയിൽ തീരുമാനമെടുക്കാൻ നിങ്ങളുടെ ജ്ഞാനം സഹായിക്കുന്നത് ? മിണ്ടാതിരുന്നാൽ ഭോഷനെ പോലും ജ്ഞാനിയായി എണ്ണും (സദൃ 17:28). ദൈവമാണ് ജ്ഞാനത്തിന്റെ ഉറവിടം (ഇയ്യോ 12:13). ഒരുവന് ജ്ഞാനം കുറവാണെങ്കിൽ ദൈവത്തോടു യാചിക്കട്ടെ (യാക്കോ 1:5). ജ്ഞാനമുള്ളപ്പോൾ മാത്രം സംസ്സാരിക്കുക ; അർത്ഥശൂന്യമായ വാക്കുകളെക്കാളും മൗനമാണ് നല്ലത്! പ്രാർത്ഥന: കർത്താവേ , എപ്പോഴും ജ്ഞാനമേറിയ വാക്കുകൾ സംസ്സാരിക്കാനായി അങ്ങയുടെ ജ്ഞാനത്താൽ അടിയനെ നിറക്കേണമേ. ആമേൻ           (Translated from English to Malayalam by R. J. Nagpur)

B.A. Manakala സാമാന്യജനവും ശ്രേഷ്ഠജനവും , ധനവാന്മാരും ദരിദ്രന്മാരും തന്നേ ( സങ്കീ 49:2). നിങ്ങളുടെ ചിന്താഗതിക്കനുസരിച്ച് ‘ ധനികരും , ’ ‘ ദരിദ്രരും ’ ഈ രണ്ട് വാക്കുകളുടെയും അർത്ഥം എന്താണ് ? ദൈവത്തിന് ഈ വാക്കുകളുടെ അർത്ഥം എന്തായിരിക്കും എന്ന് ചിന്തിച്ചു നോക്കിക്കേ. നമ്മുടെ ചിന്താഗതിക്കനുസരിച്ച് ധനികരുടെ കൈവശം ധാരാളം പണമുണ്ട് , ദരിദ്രരുടെ പക്കലോ പണം തീരെക്കുറവോ അല്ലെങ്കിൽ ഒട്ടും തന്നെ കാണുകയില്ല. എന്നാൽ കഷ്ടതയുടെ സമയത്ത് ദൈവമാണ് ധനികരെയും ദരിദ്രരെയും സൃഷ്ടിച്ചതെന്ന് മനസ്സിലാക്കി ഈ രണ്ട് കൂട്ടർക്കും ദൈവത്തിങ്കലേക്ക്   തിരിയേണ്ടതുണ്ട് (സദൃ 22:2). എന്താണ് വാസ്തവമായി ധനികരായിരിക്കുക എന്നുള്ളത് ഈ രണ്ട് കൂട്ടരും മനസ്സിലാക്കണം എന്നുള്ളതാണ് പരമപ്രധാനം (കൊലോ 1:27). എന്താണ് ധനികരായിരിക്കുക്ക എന്നത് ഈ രണ്ട് കൂട്ടരും മനസ്സിലാക്കുമ്പോൾ , വാസ്തവത്തിൽ ധനികർ ധനികരും , ദരിദ്രർ ദരിദ്രരും ആയിരിക്കുകയില്ല! പ്രാർത്ഥന: കർത്താവേ , ഞാനെന്തായിരിക്കുന്നുവോ അതിനും , എനിക്കെന്തുണ്ടോ അതിനും നന്ദിയുള്ളവനായിരിക്കുവാൻ അടിയനെ പഠിപ്പിക്കേണമേ. ആമേൻ     (Translated from English to Malayala...

B.A. Manakala ഈ ദൈവം എന്നും എന്നേക്കും നമ്മുടെ ദൈവമാകുന്നു ; അവിടുന്ന് നമ്മെ ജീവപര്യന്തം വഴി നടത്തും ( സങ്കീ 48:14). എന്റെ ഗവേഷണ പഠനം പൂർത്തീകരിക്കുന്നതു വരെ എനിക്കൊരു ഗവേഷണ സൂപർവൈസർ ഉണ്ടായിരുന്നു. ഞാൻ എന്റെ ഗവേഷണം അവസാനിപ്പിച്ചപ്പോൾ അദ്ദേഹത്തിന്റെ ചുമതലയും തീർന്നു. മാനുഷിക രീതിയിൽ നോക്കിയാൽ ഒരാൾക്ക് അങ്ങേയറ്റം നമ്മെ നമ്മുടെ മരണം വരെ മാത്രമേ മാർഗ്ഗദർശനം ചെയ്യാൻ സാധിക്കൂ. നാം മരിക്കുന്നിടം വരെ നമ്മെ വഴി നടത്തുന്ന ഒരു ദൈവത്തെക്കുറിച്ചാണ് ഈ വാക്യത്തിൽ നാം കാണുന്നത് ; എന്നാൽ ആ ദൈവം എന്നുമെന്നേക്കും നമ്മുക്ക് ദൈവം തന്നെയായിരിക്കും (സങ്കീ 48:14). നമ്മുടെ പിതാക്കന്മാരെ വഴി നടത്തിയ ദൈവവും , നമ്മെ വഴി നടത്തുന്ന ദൈവവും , ഇനിയും വരാൻ പോകുന്ന സകല തലമുറക്കും താൻ തന്നെ ദൈവമായിരിക്കും! എന്റെ മരണം വരെ ദൈവം എനിക്ക് വഴികാട്ടിയാണ് ; എന്നുമെന്നേക്കും എന്റെ ദൈവവും! പ്രാർത്ഥന: പ്രിയ കർത്താവേ , അടിയനു വേണ്ടിയുള്ള അങ്ങയുടെ പദ്ധതികളും കരുതലും അല്പമെങ്കിലും മനസ്സിലാക്കുവാൻ അടിയനെ സഹായിക്കേണമേ. ആമേൻ     (Translated from English to Malayalam by R. J. Nagpur)

B.A. Manakala ദൈവമേ , അങ്ങയുടെ മന്ദിരത്തിന്റെ മദ്ധ്യേ ഞങ്ങൾ അവിടുത്തെ ദയയെക്കുറിച്ചു ചിന്തിക്കുന്നു (സങ്കീ 48:9 ) . എങ്ങനെയാണ് നിങ്ങൾ ആരാധിക്കുന്നത് ? ശാന്തമായി ? പാട്ടു പാടി ? ഉച്ഛത്തിൽ ? ദൈവത്തിന്റെ മാറ്റമില്ലാത്ത ദയയെക്കുറിച്ച് മനനം ചെയ്യുന്നത് തന്നെ ഒരു വലിയ ആരാധനയാണ് (സങ്കീ 48:9). ‘ ദൈവത്തിന്റെ ദയ എന്നേക്കുമുള്ളത് ’ എന്ന് തിരുവചനം നൂറിൽ പരം പ്രാവശ്യം ആവർത്തിച്ചിരിക്കുന്നു (ഉദാ. സങ്കീ 136). ‘ ദൈവത്തിന്റെ ദയ എന്നേക്കുമുള്ളത് ’ എന്ന് നാം സത്യസന്ധമായി മനനം ചെയ്യുമ്പോൾ , വാസ്തവമായും നാം വിനയമുള്ളവരായിത്തീരും.   അത് തന്നെ ആരാധനയുടെ ഒരു ഭാഗമായി മാറുകയും ചെയ്യും. നിങ്ങളുടെ ജീവിതത്തിൽ ദൈവം തന്റെ മറ്റമില്ലാത്ത സ്നേഹം പ്രകടിപ്പിച്ച വിധങ്ങളെ പറ്റി ഓർക്കുവാൻ ഒരു നിമിഷം മാറ്റി വയ്ക്കാമോ ? പരാജിതമായ സ്നേഹത്തിന്റെ അനുഭവങ്ങൾ മനുഷ്യരാൽ മാത്രമേ സംഭവിക്കൂ , ഒരിക്കലും ദൈവത്താൽ അപ്രകാരം സംഭവിക്കില്ല! പ്രാർത്ഥന: കർത്താവേ , എത്രയും സാധിക്കുമോ അത്രയും അങ്ങയുടെ സ്നേഹത്തെ ധ്യാനിക്കുവാൻ അടിയനെ സഹായിക്കേണമേ. ആമേൻ       (Translated from English to Malayalam by R. J. Nagp...

B.A. Manakala അതിന്റെ ( യെരുശലേമിന്റെ) അരമനകളിൽ ദൈവം ഒരു ദുർഗ്ഗമായി വെളിപ്പെട്ടുവന്നിരിക്കുന്നു (സങ്കീ 4 7 : 1 ). എന്റെ ആറ് വയസ്സുള്ള മകന് തന്റെ മാതാവിനേക്കാളും , സഹോദരിയേക്കാളും ഞാൻ അവനെ പരിരക്ഷിക്കുകയും സൂക്ഷിക്കുകയും ചെയ്യണം എന്നാണ് അവന്റെ ആഗ്രഹം. അതിന്റെ കാരണം നിങ്ങൾക്ക് ഊഹിക്കാവുന്നതേയുള്ളു. ആരെയാണ് നിങ്ങൾ സാധാരണയായി പരിരക്ഷിക്കാൻ ആഗ്രഹിക്കാറുള്ളത് ? തന്റെ ശത്രുക്കളുടെ കൈയ്യിൽ നിന്നും വിടുവിക്കപ്പെട്ടപ്പോൾ ദാവീദ് ഇപ്രകാരം പാടി : “ യഹോവ എന്റെ ശൈലവും എൻ കോട്ടയും എന്റെ രക്ഷകനും ആകുന്നു. എന്റെ പാറയായ ദൈവം ; യഹോവയിൽ ഞാൻ ആശ്രയിക്കും ; എന്റെ പരിചയും എന്റെ രക്ഷയായ കൊമ്പും എന്റെ ഗോപുരവും എന്റെ സങ്കേതവും തന്നേ. എന്റെ രക്ഷിതാവേ , അങ്ങ് എന്നെ സാഹസത്തിൽ നിന്നു രക്ഷിക്കുന്നു ” (2 ശമു 22:2-3). ദൈവം നമുക്കു അനുകൂലം എങ്കിൽ നമുക്കു പ്രതികൂലം ആർ ? (റോമ 8:31). ഏറ്റവും ശക്തനായ ‘ പരിപാലകനാണ് ’ നമ്മോടൊപ്പമുള്ളത്! പ്രാർത്ഥന: കർത്താവേ ,  അങ്ങ്  അടിയന്റെ പരിപാലകനായി  സദാ  കൂടെയുണ്ടാകേണമേ. ആമേൻ     (Translated from English to Malayalam by R. J. ...

B.A. Manakala വംശങ്ങളുടെ പ്രഭുക്കന്മാർ അബ്രാഹാമിൻ ദൈവത്തിന്റെ ജനമായി ഒന്നിച്ചുകൂടുന്നു ; ഭൂമിയിലെ പരിചകൾ ദൈവത്തിന്നുള്ളവയല്ലോ ; അവൻ ഏറ്റവും ഉന്നതനായിരിക്കുന്നു (സങ്കീ 47:9 ) . ഭൂമിയിലെ രാജാക്കന്മാർ ദൈവത്തിന്റെ വകയാണ് (സങ്കീ 47:9). ഇപ്പോഴുള്ള അധികാരികളെ ദൈവമാണ് ആക്കിയിരിക്കുന്നത് (റോമ 13:1). യഹോവ രാജാക്കന്മാരെ നീക്കുകയും രാജാക്കന്മാരെ വാഴിക്കയും ചെയ്യുന്നു ( ദാനി 2:21). അവർ ദൈവത്തിന്റെ സേവകരത്രേ (1 പത്രോ 2:13). നമുക്ക് അവർക്ക് വേണ്ടി പ്രാർത്ഥിക്കേണ്ടതുണ്ട് (1 തിമോ 2:2). എന്നാൽ “ ... അത്യുന്നതനായവൻ മനുഷ്യരുടെ രാജത്വത്തിന്മേൽ വാഴുകയും അതിനെ തനിക്കു ബോധിച്ചവന്നു കൊടുക്കയും മനുഷ്യരിൽ അധമനായവനെ അതിന്മേൽ വാഴിക്കയും ചെയ്യുന്നു ” ( ദാനി 4:17). നിങ്ങളും , നിങ്ങളുടെ അധികാരവും , മറ്റുള്ളവരുടെ അധികാരവും എല്ലാം ഒരാളുടെ അധികാരത്തിൻ കീഴിലാണ്! പ്രാർത്ഥന: അങ്ങ് ആക്കി വച്ചിരിക്കുന്ന മനുഷ്യ അധികാരികൾക്കായി സ്തോത്രം , തിരുവചനാടിസ്ഥാനത്തിൽ അവർക്ക് കീഴ്പ്പെട്ടിരിപ്പാൻ അടിയനെ സഹായിക്കേണമേ. ആമേൻ     (Translated from English to Malayalam by R. J. Nagpur)

B.A. Manakala അവിടുന്ന് ജാതികളെ നമ്മുടെ കീഴിലും വംശങ്ങളെ നമ്മുടെ കാൽക്കീഴിലും ആക്കുന്നു   (സങ്കീ 47:3 ) . അടുത്തയിടെ ഞങ്ങൾ കുടുംബമായി ഭക്ഷണം കഴിച്ചു കൊണ്ടിരുന്നപ്പോൾ , എന്റെ മോൾ എന്നോട് പറഞ്ഞു , “ ഈ മെഴുക്ക്പുരട്ടിക്ക് ഇത്രയും രുചി എന്താണെന്നറിയാമോ ? ഞാൻ അത് കണ്ടിച്ച് കൊടുത്തത് കൊണ്ടാണ്! ” എന്റെ മിടുക്ക് കൊണ്ട് എനിക്ക് കാര്യങ്ങൾ ചെയ്യാൻ സാധിക്കും എന്ന് ചിന്തിക്കുവാനുള്ള പ്രവണത പലപ്പോഴും എനിക്കുണ്ടാകാറുണ്ട്. നെബുഖദ്നേസർ രാജാവും ഒരിക്കൽ അപ്രകാരം ചിന്തിച്ചിരുന്നു (ദാനി 4:30). ഈ ചിന്താഗതിയെ പരിലാളിക്കുന്നത് വളരെ അപകടകരമാണ്. എന്റെ മകൾ പച്ചക്കറികൾ അരിഞ്ഞ് സഹായിക്കുന്നതിന് ഞൻ അഭിനന്ദിക്കാറുണ്ട് ; സമാനമായി എന്റെ പ്രയത്നങ്ങളെ ദൈവവും അഭിനന്ദിക്കാറുണ്ട്. ഒരാൾ നടുന്നു ; മറ്റൊരാൾ വെള്ളമൊഴിക്കുന്നു ; ദൈവമോ വളരുമറാക്കുന്നു (1 കൊരി 3:7). എല്ലാറ്റിനും കാരണക്കാരനായി ദൈവമാണ് പിന്നിൽ. നിങ്ങളുടെ എല്ലാ വിജങ്ങളുടെയും മുഖ്യ സൂത്രധാരൻ ദൈവമാണ്! പ്രാർത്ഥന: കർത്താവേ , അടിയനിലുള്ള ഇച്ഛകൾക്കും പ്രവർത്തനങ്ങൾക്കും പിന്നിൽ അങ്ങാണെന്ന് നന്നായി മനസ്സിലാക്കുവാൻ അടിയനെ സഹായിക്കേണമേ. ആമേൻ (ഫിലി 2:13)   ...

B.A. Manakala സകലജാതികളുമായുള്ളോരേ , കൈകൊട്ടുവിൻ ; ജയഘോഷത്തോടെ ദൈവസന്നിധിയിൽ ആർക്കുവിൻ . (സങ്കീ 4 7 : 1 ). എന്റെ ചെറുപ്പകാലത്ത് , ഞാൻ വളരെ ആകാംക്ഷാഭരിതനായി കഴിഞ്ഞാൽ , എന്റെ അടുത്തിരിക്കുന്ന വ്യക്തിയെ ഞാൻ നല്ല ആയത്തിൽ ഇടിക്കുമായിരുന്നു! ഇടി കിട്ടുന്ന വ്യക്തി പലപ്പോഴും ദേഷ്യപ്പെടുകയും ചെയ്തിട്ടുണ്ട്.   കൂടുതൽ കൈകൊട്ടും ആർപ്പും ദൈവം ഇഷ്ടപ്പെടുന്നുണ്ടോ ? വാസ്തവത്തിൽ , അത് ദൈവം ഇഷ്ടപ്പെടുന്നു എന്നുള്ളതല്ല , മറിച്ച് അത് ദൈവത്തോടുള്ള നിങ്ങളുടെ സന്തോഷത്തെ പ്രദർശിപ്പിക്കുന്നതാണ്. അത്യുന്നതനായ നമ്മുടെ ദൈവം ഭയങ്കരൻ തന്നെ (സങ്കീ 47:2)! ഈ വാസ്തവത്തെ ഗ്രഹിച്ചു കൊണ്ട് , ദൈവ മുമ്പാകെ നിങ്ങൾ നിങ്ങളെത്തന്നെ എപ്രകാരം പ്രകടിപ്പിക്കും ? തുള്ളിച്ചാടുമോ ? കരയുമോ ? പാട്ട് പാടുമോ ? സ്തുതിക്കുമോ ? അത്യധികം സന്തോഷമുണ്ടാകുമ്പോൾ ദൈവത്തിന് ഒരു ഇടി കൊടുക്കാൻ ഇച്ഛയുണ്ടാകുമോ , അങ്ങനെ തന്നെ ചെയ്തോളു. ദൈവം അതിൽ സന്തോഷിക്കുക മാത്രമേ ചെയ്യുകയുള്ളു. ഭയങ്കരനായ ദൈവത്തെക്കുറിച്ചുള്ള നിങ്ങളുടെ സ്വാഭാവിക പ്രകടങ്ങൾ ആരാധനയുടെ ഭാഗമത്രേ! പ്രാർത്ഥന: കർത്താവേ , അടിയൻ ആരാധിക്കുമ്പോൾ അടിയനെത്തന്നെ സ്വാഭാവികമായി അങ്ങ...

B.A. Manakala മിണ്ടാതിരുന്നു , ഞാൻ ദൈവമെന്നു അറിഞ്ഞു കൊൾവിൻ ; ഞാൻ ജാതികളുടെ ഇടയിൽ ഉന്നതൻ ആകും ; ഞാൻ ഭൂമിയിൽ ഉന്നതൻ ആകും (സങ്കീ 46:10 ) . നിങ്ങൾ എപ്പോഴാണ് മൗനമായും , ശാന്തമായും , നിശ്ചലമായും ഇരിക്കുന്നത് ? ഞാൻ ഉറങ്ങുമ്പോൾ വളരെ ശാന്തനാണെന്ന് കേട്ടിട്ടുണ്ട്. ഒരിക്കൽ ഞാൻ മരണപ്പെടുമ്പോൾ ഞാൻ പൂർണ്ണമായും ശാന്തനാകും എന്നും എനിക്കറിയാം! ദൈവമാരെന്ന് അറിയുന്നതിനായി നമ്മുടെ ശരീരത്തെയും , ദേഹത്തെയും , ആത്മാവിനെയും ശാന്തമാക്കുവാൻ നാം ശീലിക്കേണ്ടതുണ്ട്. നാം നമ്മുടെ ജീവിതം മുഴുവനും വെറുതെയിരുന്ന് നോക്കിയാൽ ദൈവം എപ്പോഴും പ്രവർത്തന നിരതനായി എല്ലാ സംഭവങ്ങളിലൂടെയും തനിക്ക് മഹത്വം കൊണ്ടു വരുന്നത് കാണുവാൻ സാധിക്കും. ഓരോ ദിവസവും അല്പനേരം ശാന്തമായിരുന്ന് ദൈവത്തിൽ നിന്നും കേൾപ്പാൻ പഠിക്കാം. വാസ്തവത്തിൽ ദൈവമാരെന്ന് നിങ്ങൾക്കറിയണമെങ്കിൽ , ശാന്തമായിരിപ്പിൻ! പ്രാർത്ഥന: കർത്താവേ , അല്പസമയം നീക്കിവച്ച് ശാന്തമായിരുന്ന് അങ്ങ് പ്രവർത്തിക്കുന്നത് കാണുവാൻ അടിയനെ സഹായിക്കേണമേ. ആമേൻ     (Translated from English to Malayalam by R. J. Nagpur)

B.A. Manakala വരുവിൻ യഹോവയുടെ പ്രവൃത്തികളെ നോക്കുവിൻ ; അവൻ ഭൂമിയിൽ എത്ര ശൂന്യത വരുത്തിയിരിക്കുന്നു ! (സങ്കീ 46:8 ) . ആദിയിൽ , ഓരോ സൃഷ്ടിക്കും ശേഷം , താൻ സൃഷ്ടിച്ചതെല്ലാം   നല്ലതെന്ന് ദൈവം സാക്ഷ്യപ്പെടുത്തി. ഇന്നും ദൈവം ചെയ്യുന്നതെന്തും അതിശയകരവും മനോഹരവുമത്രേ. എന്നാൽ , അതിൽ വിനാശവും ഉൾപ്പെട്ടിരിക്കുന്നു! ദൈവം നീതിമാനാകയാൽ തനിക്ക് അനീതിയെ അംഗീകരിക്കുവാൻ സാധിക്കുകയില്ല . ദൈവം വെറുക്കുന്ന ഏഴ് കാര്യങ്ങളുടെ ഒരു പട്ടിക സദൃ 6:16-19 വരെ കൊടുത്തിട്ടുണ്ട്. മനുഷ്യ ജാതിയുടെ അധാർമ്മികത പെരുകിയപ്പോൾ , ഒരിക്കൽ ദൈവം സകല ഭൂമണ്ഡലത്തെയും , മാനവജാതിയെയും , പക്ഷി മൃഗാദികളെയും ഒരിക്കൽ ശശിപ്പിക്കയുണ്ടായി (ഉൽ 6). ഭൂതലത്തിൽ ഐക്യം സ്ഥാപിക്കുവാനാണ് ദൈവം ആഗ്രഹിക്കുന്നത്. നാം തുടർച്ചയായി അപസ്വരമായത് സൃഷ്ടിച്ചു കൊണ്ടേയിരിക്കുന്നു ; ദൈവമോ ഐക്യമായതും! പ്രാർത്ഥന: കർത്താവേ , അപസ്വരം ഉണ്ടാക്കുവനല്ല , മറിച്ച്   ലോകത്തിൽ ഐക്യം സൃഷ്ടിക്കുന്നതിൽ അങ്ങയോടൊപ്പം ചേരുവാൻ അടിയങ്ങളേയും സഹായിക്കേണമേ. ആമേൻ (1യോഹ 4:4)       (Translated from English to Malayalam by R. J. Nagpur)

B.A. Manakala സൈന്യങ്ങളുടെ യഹോവ നമ്മോടുകൂടെ ഉണ്ടു ; യാക്കോബിന്റെ ദൈവം നമ്മുടെ ദുർഗ്ഗം ആകുന്നു (സങ്കീ 46:2-3 ) . ഒരു വലിയ ജനക്കൂട്ടത്തോട് ബഹുമാനപ്പെട്ട പ്രധാനമന്ത്രി സംസ്സാരിച്ചു കൊണ്ടിരിക്കുമ്പോൾ , ‘ ആരാണ് നിങ്ങളോടൊപ്പമുള്ളത് ? ’ എന്ന ഒരു ചോദ്യം ഉയർന്നാൽ ജനക്കൂട്ടത്തിന് വളരെ നിസ്സാരമായി തന്നെ ഉത്തരം നൽകുവാൻ സാധിക്കും. എന്നാൽ ഈ ലോകത്തിൽ താമാസിക്കുന്ന നമ്മോട് ഈ ചോദ്യം ചോദിച്ചാൽ എന്തായിരിക്കും നമ്മുടെ ഉത്തരം ? എന്നാൽ എന്താണ് നിങ്ങളോടൊപ്പം ഉള്ളത് ? എന്നാണ് ചോദ്യമെങ്കിൽ കൊറോണാ വൈറസ് എന്നായിരിക്കും ഈ ലോകം അതിന് ഉത്തരം നൽകുന്നത്. സൈന്യങ്ങളുടെ യഹോവ നമ്മോടുകൂടെ ഉണ്ടു (സങ്കീ 46:7). നമുക്ക് ചുറ്റുപാടുമുള്ള കാര്യങ്ങളെ കാണുന്നതിൽ ഈ ചിന്തക്ക് ഒരു വലിയ വ്യത്യാസം വരുത്തുവാൻ സാധിക്കും. എന്താണ് നമ്മോടൊപ്പമുള്ളത് എന്നതിലും കൂടുതൽ പ്രാധാന്യമേറിയതാണ് ആരാണ് നമ്മോടൊപ്പമുള്ളത് എന്നത് ! പ്രാർത്ഥന: കർത്താവേ , എന്നി ലുള്ളവൻ ഈ ലോകത്തിൽ ഉള്ളവനെക്കാൾ വലിയവ നാണ് (1 യോഹ 4:4‌) എന്ന് മനസ്സിലാക്കുവാൻ അടിയനെ സഹായിക്കേണമേ. ആമേൻ     (Translated from English to Malayalam by R. J. Nagpur)

B.A. Manakala അതുകൊണ്ടു ഭൂമി മാറിപ്പോയാലും പർവ്വതങ്ങൾ കുലുങ്ങി സമുദ്രമദ്ധ്യേ വീണാലും , അതിലെ വെള്ളം ഇരെച്ചു കലങ്ങിയാലും അതിന്റെ കോപംകൊണ്ടു പർവ്വതങ്ങൾ കുലുങ്ങിയാലും നാം ഭയപ്പെടുകയില്ല (സങ്കീ 46:2-3 ) . ഈ മഹാമാരിയുടെ സമയത്ത് പ്രധാന ഭയം എന്ന് പറയുന്നത് വയറസ്സ് തന്നെയായിരുന്നു. എന്നാൽ ഇപ്പോൾ ചിന്തഭാവിയെക്കുറിച്ചും അസുഖം വന്നതിന് ശേഷമുണ്ടാകുന്ന പ്രശ്നങ്ങളെക്കുറിച്ചുമാണ്. ഇത് ബാധിക്കാൻ പോകുന്ന മേഖലകളാണ്: നാം പോകുന്ന ഇടങ്ങൾ , നാം സ്പർശിക്കുന്ന സാധനങ്ങൾ , നമ്മുടെ പ്രവർത്തന രീതി , സംസ്സാരം , നാം എന്ത് സാധങ്ങളാണ് വാങ്ങുന്നത് , നാം ആരോടെല്ലാമാണ് ഇടപെടുന്നത് , അങ്ങനെ എന്തെല്ലാം!   നമുക്ക് മറ്റൊന്നിലും ശരണപ്പെടാതെയും , ഭയപ്പെടാതെയുമിരിക്കാം (സങ്കീ 46:1) ; നമ്മെത്തന്നെ അത്യുന്നതന്റെ പരിശുദ്ധ വാസസ്ഥലമാക്കാം (വാക്യം 4) ; നമ്മുടെ പട്ടണത്തിൽ വസിപ്പാൻ അദവത്തെ അനുവദിക്കാം , പട്ടണം നശിക്കപ്പെടുകയില്ല മറിച്ച് ദൈവം അതിനെ സംരക്ഷിക്കും (വാക്യം 6). ദൈവത്തോടുള്ള ഭയത്തിൽ വളരുന്നതാണ് മറ്റെന്തിനോടുമുള്ള ഭയത്തെ ഇല്ലാതാക്കാനുള്ള ഉത്തമ മാർഗ്ഗം! പ്രാർത്ഥന: കർത്താവേ , ഈ ഭൂമിയിൽ മറ്റൊന്നിനെയുമല്ല മറിച്ച...